سرد مواطن يمني قصة واقعية على صفحتة في مواقع التواصل الإجتماعي حصلت له في أحدى شوارع العاصمة صنعاء جعلته يبكي علنا ولم يتمالك نفسه .

وقال المواطن أنه توقف أمام مصرف في شارع حده وفجئه لمح إمرأة تبيع مناديل فطلبت منه الشراء وجره الفضول لسؤالها عن السبب فكان الجواب صادم له لايوجد حليب مع طفلي واضطريت للخروج لأول مره وزوجي له بعيدا عنا شهر .

واضاف ذهبت لشراء حليب يكفي لسته أشهر وكان يوما حزينا بالنسبه له لم يطعم قات واستغرب ان هناك أسر تعيش هذا الحال الحزين .

 نص القصة:

اعترف باني اليوم بكيت من داخل اعماق اعماق قلبي لموقف حصل لي في شارع حده ..

وقفت سيارتي بشارع حده امام صراف وكنت مبسوط جدا وبدايه تخزينه تعرفو كيف الواحد بدايه التخزينه منتشي ومبسوط ومشغل حمود السمه ونازل استلم حواله مبلغ لا بأس فيه ..

استلمت خلصت طلعت سيارتي التفت اشوف بنت شباب محتشمه احتشام عجيب والله العظيم عيونها ما تنشاف كانت تقول لصاحب سياره الله يخليك اشتري مني منديل طبعا والله حتا وهي تمد المنديل يدها ما تنشاف . انا طبعا اتابع بصمت ومذهول من هذه الحشمه منظر اذلهني جدا .

ناديت البنت قلت لها تعالي هاتي منديل قالت خذ الله يحفظك ويفرج همك لانك اشتريت مني . قتلني الفضول سألتها ليش تشتغلي ؟

ردت عليا رد جعلتني ابكي بالصوت امامها ماقدرت اتمالك نفسي .

قالت معي ابن رضيع اشتغلت اليوم عشان اشتري له حليب من الصباح مارضع وزوجي له شهر غايب يقولو نزل يقاتل بالجبهه .. واقسم بالله اول يوم فحياتي ابيع لاني خلاص مظطره ماعندي الا هذا الحل . سألتها ايش نوع الحليب الي تأخذيه لولدك قالت كذا . 

قلت خليك هنا ثواني .رحت الصيديله اخذت لها حليب يكفي ولدها باذن الله سته اشهر وحفايظ وحطيت مبلغ كبير في كيس ورجعت وهي واقفه جنب الصراف يعني ماكانت تبيع .. اعطيتها . الي صدمني انها رجعت الفلوس اصريت عليها لاكنها اقسمت ما تأخذها .اخذت الاغراض .والله الذي لا يعبد سواه انها بكت بكاء مرير جدا جدا جدا . قالت ياخي الله لايذلك ولا يحطك يوم من الايام بموقف زي هذا اخذت الاغراض ووقفت باص وراحت .. مر القات بفمي ضاق صدري ..سيارتي مظلله بالكامل جلست ابكي على الدركسون تقريبا خمس دقايق . اتخيل ولدها يبكي مش لاقي حليب ولا هي قادره تأكله شي غير الحليب لانه طفل رضيع ..كنت رايح اخزن مع اصحابي بطيرمانه فندق فاخر كنسلته سكرت جوالي .. حمدت الله على النعمه الي انا فيها غيري مش لاقي حق الحليب واحنا نخزن بطيرمانه بعشره الف ريال دون القات والشيشه والماء والامور الاخرى ..

الدولار اليوم ب620 والسعودي ب165 ؟؟ البلد بالهاويه الناس وجوهها شاحبه الموظفين بلا رواتب الفقر زاد بشكل غير طبيعي . اسر كانت مستوره الان اقسم بالله ينامو جيعانين ..

تابعوا آخر أخبارنا المحلية وآخر المستجدات السياسية العربية والدولية عبر Google news