الوه يافخامة الرئيس الوه أنت داري يافندم ان جلال محبوس نقلوه امس من البحث الجنائي الى الشرطة العسكرية يازعم يحققوا معه له مزور اختام جلال اخي يافندم مش جلال ابنك الله يخليه لك و للوطن وللشرعية هو صحفي وخطاط ورسام فلت يته ومرته وجهاله ومهرته وسار يقع ضابط في التوجيه المعنوي بمحور مأرب مع الجيش الوطني هوذاك محبوس مع الشرعية في تعز له عشر ايام يحققوا معه هو مزور اختام والا لا وأنت داري منهم الذي يحققوا مع اخي جلال يابو جلال؟ اقيادة محور الفنندم خالد فاضل تعرفه ؟ هاذاك الذي اقلته من موقعه يافندم وعاد اليه بقرار جمهوري مزور بتوقيعك. ونت داري منو قائد الشرطة العسكرية الذي اخي جلال محبوس عنده من امس؟ مشنت داري نوالله ولا لك علم هاذاك الفندم المستجد الذي حرر تعز ووقع قأئد لشرطة العسكرية بقرار جمهوري مزور بأسمك يابو جلال وانا حانب ذلحين ادور من يخارج اخي جلال من الحبس والا ادور من يخارجك انت من حبسهم مله تعبنا وابنك جلال قدو سميييين مره واخي جلال فندم رفع معنويات الجيش الوطني ضعيف مررره ومن اين عشتجيله نفس يرفع معنويات الجيش مره ثانية وهم قارفعوا له الضغط والسكر يافندم امانه شوف لو معك وساطة يخارجوه والله انه مظلوم اذا ماتقدرش كلم جلال يافندم معه وساطات ملان يامنعاه خارجوا الفندم جلال المحيأ